ഫ്രണ്ട് ഷിപ്പ് ഡേ എന്നാല് സൗഹൃദ ദിനം എന്ന് മലയാള പരിഭാഷ.പണ്ട് കാലത്ത് കാര്ഡുകള് അയച്ചു കൊണ്ടാടിയിരുന്ന ദിവസം .ഫ്രണ്ട്ഷിപ്പ് ഡേ യുടെ തുടക്കം 1915 ല് ആയിരുന്നു എന്ന് വിക്കിപീഡിയ പറയുന്നു .ഹാള്മാര്ക്ക് കാര്ഡുകള്ക്ക് തുടക്കം കുറിച്ച ജോയിസ് ഹാള് ആണ് ഇതിന്റെയും പുറകില് പ്രവര്ത്തിച്ച കറുത്ത കരങ്ങള് .
തോളില് കയ്യിട്ടു അളിയാ എന്ന് വിളിച്ചു നടക്കുന്ന ഫ്രണ്ടിനു എന്തോന്ന് കാര്ഡ് എന്ന് ചിന്തിക്കുന്നവര് ഉണ്ടാകാം .ക്ഷമിക്കുക...മൊബൈല് ഫോണ് കമ്പനിക്കാരും ഗ്രീടിങ്ങ്സ് കാര്ഡ് കമ്പനിക്കാരും ക്ഷമിക്കില്ല .അവര് ആണ് ഇങ്ങനെ ഓരോ ദിനങ്ങളും കൊണ്ടുവരുന്നത് എന്നാണു ചിലരുടെ വാദം .ഒരു വാദത്തിനു അങ്ങനെ പറയാമെങ്കിലും യഥാര്ത്ഥത്തില് ജനങ്ങള് ഇഷ്ടപെടുന്നത് കൊണ്ടാണ് ഇതിനൊക്കെ ഇത്രയും പ്രാധാന്യം വരുന്നത് .
പണ്ട് ആല്തറയിലും ,പൂര പറമ്പിലും ,നാല്കവലയിലും വട്ടുംകൂടിയിരുന്നു വെടിപറഞ്ഞുഇരുന്ന സൗഹൃദങ്ങള് ഇന്ന് അപൂര്വമാണ്. രണ്ടറ്റം കൂട്ടി മുട്ടിക്കാന് പാടുപെടുന്നതിന്ടക്ക് എന്ത് ഫ്രണ്ട് ഏതു ഫ്രണ്ട്..എന്നാല് ആത്മാര്ഥമായ സൗഹൃദങ്ങള് ഇന്നും ഉണ്ട് എന്ന് ഇങ്ങനെയുള്ള ദിനങ്ങള് നമ്മെ ഓര്മിപ്പിക്കുന്നു ..
പഴയ സൗഹൃദങ്ങള് ഓര്ത്തെടുക്കാനും പുതുക്കാനും നിലനിര്ത്താനും പുതിയത് ഉണ്ടാക്കാനും ഉള്ള ദിനം ആണ് ഫ്രണ്ട്ഷിപ് ഡേ .ഇന്ന് സോഷ്യല് കമ്മ്യൂണിറ്റി സൈറ്റുകളുടെ പ്രചാരം സൂചിപ്പിക്കുന്നത് സൌഹൃദം എവിടെയും പോയിട്ടില്ല എന്നാണ് .അത് നിലനില്ക്കുന്നുണ്ട്. എവിടെയോ ഒരാള് നിങ്ങളെ ഓര്ക്കുന്നുണ്ട് .നിങ്ങളുടെ സന്തോഷത്തില് പുഞ്ചിരിക്കുകയും ദുഃഖത്തില് പങ്കു ചേരുകയും ചെയ്യുന്നുണ്ട് ...
ചിറകുകള് ഇല്ലാത്ത സ്നേഹമാണ് ഫ്രണ്ട്ഷിപ്പ് ..ചിറകുകള് ഇല്ലാതെ പോയത് സ്നേഹം എങ്ങും നഷ്ടപ്പെടാതിരിക്കാന് ആകാം...
എല്ലാ സുഹൃത്തുക്കള്ക്കും സൗഹൃദ ദിന ആശംസകള് ....ഹാപ്പി ഫ്രണ്ട്ഷിപ്പ് ഡേ ......ഡേയ്.........
